Champion lai Kulikawn chak

Mahuma Memorial Cricket Tournament khelh mekah nimin khan round lina khelh zawh a ni a, Kulikawn chuan run 23-in Chhinga Veng an hneh. Champion lai Kulikawn hian over 38-ah run 129 siamin an out vek a, run 30 vaw chhuaktu Golu Vikash Kumar chu an batsman zinga run siam hnem ber a ni.

Chhinga Veng lam tan target huphurhawm tak niin lang lo mah se over 27-ah run 106 chiah siamin an out vek a, Abhay Joshi-a'n (30 runs) thlawptu a neih ṭhat loh tuarin a tlawm zawkah an ṭang ta a ni. Vawiin chawhma dar 9:15 hian hneh loh la tawng lo Chanmarians leh chak hmel la hmu lo Chaltlang SC te an inhmachhawn ve leh ang.