PSG chakna Cavani

Edinson Cavani goal khung hmangin Paris Saint-Germain chuan Angers 2-0 in an hneh a, goal khung a lawmna lamah Thlawhtheihna chetsual vanga thi Chape-coense player-te tawrh-puina thu a ti lang.

Nilani zan French Ligue 1 inkhelah PSG tan hian Hatem Ben Arfa chuan goal hmahruai a khung hnuah Cavani hian PSG tana a goal 100-na ni turin penalty a chhuih lut. Uruguay international hian a goal khung lawm nan a jersey phelhin “Fuerza” (Chhel takin) tih inziahna chu pholangin a ban a phar.

Inkhel dangah league hma-hruaitu Nice chuan Guingamp lakah 1-0 a hnehna changin point 36 an hmu a, hma an hruai chhunzawm zel - an hnuaiah hian point 35 hmu pahnih Monaco leh PSG te an awm ve bawk.