BWF Finals atan Sindhu a inpeih

PV Sindhu chuan badminton inelna ngaihhlut BWF World Tour Finals chu atan chona thar a nih tur thu a sawi. December 11-16 chhunga inelna neih tur atan hian a inpeih tawh thu a sawi.

Kum 24 mi Sindhu hi champion lai a ni a, mahse kuminah a khelh ṭhat loh em avangin a lakah beiseina neih san ngam a har - chutihrualin world champion a ni thei tih erawh hriat a ṭha. Rio Olympic silver medlaist Sindhu chuan, "Ka tan chuan boruak ṭha leh ṭha lo a in thlen chhawk deuh reng a, tunah pawh he boruak inthlakthleng vel hi a la reh chuang lo.

"Tunah hian inelna lian hmachhawn turin rilru ka siam fel tawh, player dang ten ka khelh dan phung an hre tawh a, chuvangin ka hmachhawn tur a zirin khelh dan pawh thlak zauh zauh a ngaih chang a awm ang," tiin a sawi.