MPL Qualifier khel tur Venghlui

Nimin khan Aizawl DFA First Division League-ah Venghlui FC leh Ramhlun FC te goal awm loin an inhnehtawk a, MPL Qualifier khel tur chiang tawh mah se
final-a Mizoram Police hma-chhawn tur erawh vawiinah a chiang dawn chauh.

Vawiin chawhnu dar 1:30 hian Aizawl FC Academy leh 1st Bn MAP Academy ten league match hnuhnung ber an khel dawn a, Nicky Malsawmtluanga hote hian Police Academy chu goal nga tala an hneh a nih chuan Venghlui FC lehpelin kum zawnin final an lut ang.

Venghlui FC hian final la lut chiang lo mah se MPL Qualifier khel turin an tling tawh a, hemi chungchang hi sawiin coach Lalmalsawma chuan, "MPL khelh hi kan duh a, hei hi kan club din chhan pakhat a ni. Chuvangin qualifier kan khelh ngei ka ring," tiin MPL khelh tuma hma an lak zel tur thu a sawi.

Nimin RG Stadium-a inkhel hnuhnung zawkah Police-in table mawngphaha awm FC Kulikawn chu 8-2 in an sawp bawk.

Nimin Inkhel Results

Venghlui FC 0 - 0 Ramhlun FC

Mizoram Police FC 8 - 2 FC Kulikawn

MPFC : Lalfakzawma 23'; Lalsangbera 24', 30', 51'; Lalfakzuala 40'; Lalbiakhlua 53'; Moody Lalfakawma 87'; Ramtharmawia 90'

FCK : K. Lalliankima 16'; VK Malsawma 45'(OG)

Vawiin Inkhel Tur

11:30 AM Chawnpui FC Vs Chaltlang FC

01:30 PM Aizawl FC Academy Vs 1st Bn MAP Academy