Saina-i'n quarterfinal a lut

Saina Nehwal chuan nimin khan Dinar Dyah Ayustine hnehin Macau Open Grand Prix Gold bad-minton tournament khelh mekah quarterfinal a lut.

Last 16 inkhelah world number 1 hlui Saina hian game hmasa ber hloh mah se 17-21, 21-18, 21-12 in hnehna a chang a, Indonesian shuttler Ayustine hneh tur hian darkar khat leh minute hnih chhung hun a hmang.

Kum 26-a upa Saina hi a khup hliam zai a nih hnuah tun inelna hma hian China leh Hong Kong Open a kheh leh tawh a, nomawi a la chawi leh rih lo. Macau Open-a match hmasa zawkah Hanna Ramadini chu 21-23, 21-14, 21-18 in a lo hneh tawh bawk.

Mipa singles lamah P Kashyap chuan an match hmasa berah hnehna an chang ve bawk. Com-mon-wealth Games champion P Kashyap hian Chun-Wei Chen chu 21-19, 21-8 ina hneh.