Robben chelh duhtu Ribery

Bayern Munich tana contract pawt sei hlim Franck Ribery chuan tun season tawp ruala a con-tract tawp tawh tur Arjen Robben chuan Allianz Arena chhuahsna lo se a duh thu a sawi chhuak.

Bayern chairmain Karl-Heinz Rummenigge chuan thla hmasa khan Robben nen hian contract thar chungchangah in-biak-na an neih thu a lo sawi tawh a, inbiakna a kaltluang anih chuan kumin chhungin contract an ziah fel hman beisei a ni.

Kum 32-a upa Rob-ben hian German club tan hian match 149 a khelh aṭangin goal 80 a khung tawh a, hliamin tibuai ngun deuh mah se a dam a nih chuan player pawimawh berte zinga mi a ni ṭhin.

France international hlui Ribery chuan, "Arjen te anga player tawnhriat nei hnem leh theihna sang bik nei hi chu he club hian a mamawh a, hlawhtinna kan chan chhunzawm theih nan chuan ani chelh hi hna pawimawh hmasa pakhat chu a ni," tiin a sawi.

Bayern tana kum khat daih contract thar ziak hlim Ribery hian Allianz Arena-ah a hun tawp thleng a cham loh chhan tur a awm loh thu a sawi tel bawk. Bun-desliga champion Ba-yern hian zanin dar 1:00-ah Mainz an lenchilh ang.