Jr Boys Football Tourney awm dawn

Aizawl DFA chuan December 15, 2025 aṭanga ṭan turin ADFA Junior Boys Football Tournament a buatsaih dawn a, inelna hi Chite Veng Playground-ah khelh a ni ang. Inelna hi veng, khua leh club tan tel theih vek a ni.

Kum bithliah chin hi January 1, 2011 leh a hnu lama piang chin a ni a, kum endikna atan hian digital birth certificate, aadhaar card leh school ID hman a ni ang. Team khatah player 20 aia tam lo leh, team official mi pathum aia tam lo ziah luh theih a ni ang.

Entry Fee hi Rs. 2,000 a ni a, December 12, Zirtawpni thleng YOUNIX Sports, Zarkawt (LPS Colony) leh GPay-in 9612332318 ah te pek theih a ni. December 13, Inrinni 2025 chhun dar 1:00 hian ADFA Office, AR Ground-ah manager meeting, regulations tlangzarh leh official draw neih a ni ang.

Inelna hi MFA Inter District Junior Boys Football Championship 2025-26, Mamit-a khelh tur atan Aizawl District aiawh tur thlanna pakhat atan hman nghal tur a ni. Hrechiang duh tan 8131930291 / 6009868020-ah te zawhfiah theih a ni ang.