South Africa dinhmun a ṭha

South Africa leh India ten vawiin hian Test match vawi hnihnaa ni hnuhnung ber an khel dawn a, mikhual team hi chak turin an dinhmun a ṭha hle. Proteas hian first innings-a 489 runs an siam hnuah India-in 201 runs chauhin an chhanglet a, mikhual team hian 260/5 runs siamin an duh tawk a, target atan 549 an chhawpsak.

Nimin khan India an bat hman a, wicket hnih an hloh hman a, opener pahnih Yashasvi Jaiswal (13) leh KL Rahul (6) te run tam siam loin an thi ve ve. Men in Blue tan chak beisei chi a ni tawh lo a, chutihrualin draw theih dan a awm. Proteas hian chak tur chuan an vawm hlum vek a ngai a, India tan draw turin ni lenga bat a ngai thung dawn.