February 15-ah India Vs Pakistan

Nimin khan 2026 Men's T20 World Cup fixtures puan a ni a, cricket ngainatute hriat châk India leh Pakistan inkhelh hun a hriat ta. Ram inhal pahnih hi February 7, 2026 hian Colombo-ah an inkhel ang.

Inelna hi February 7 - March 8, 2026 chhunga khelh tur a ni a, India leh Sri Lanka ten an thleng dawn. Pakistan inkhel zawng zawng hi Sri Lanka-ah khelh a ni dawn a, Colombo leh Kandy-ah te match an nei ang.

India hi champion lai an ni a, nikum khan West Indies leh United States-ah inelna neih niin, Men in Blue hian final-ah South Africa hnehin an champion. Ṭum kua inelna hi neih a ni tawh a, India champion hmasa berin vawi hnih an champion tawh. England leh West Indies vawi hnih ve ve an champion a; Pakistan, Sri Lanka leh Australia te vawi khat khelh ṭheuh an champion.

Nakkuma inelna neih turah team 16 an tel dawn. Group A-ah India, Namibia, Netherlands, Pakistan leh United States te an awm ang a, group B-ah Australia, Ireland, Oman, Sri Lanka leh Zimbabwe te awmin group C-ah Bangladesh, England, Italy, Nepal leh West Indies te an awm ang a, group D-ah Afghanistan, Canada, New Zealand, South Africa leh United Arab Emirates te an awm bawk ang.