A tawpah Juventus an chak

Juventus chuan hun tawp dawna Jonathan David-a goal khung hmangin Bodo/Glimt chu 3-2 in an hneh - Old Lady hian tun season Champions League bikah a vawi khat nan hnehna an chang a ni.

Aspmyra Stadion-a inkhelah, mualneitu Bodo/Glimt tana Ole Didrik Blomberg goal khung chu Juve lamain second half-ah Lois Openda leh Weston McKennie te hmangin an chhanglet a, mahse hma an hruai letna hi Sondre Brunstad Fet-a chuan penalty aṭangin a sut ve leh bawk.

Hun tawp dawnah Juventus an vannei ta zawk, Kenan Yildiz-a khung tur an lo dansak ber chu David chuan a khung a, khualmualah hnehna hlu tak an chang, knockout round beiseina an la nei ve zel a ni.

Juventus coach Luciano Spalletti chuan, "Hnehna hlu leh pawimawh tak a ni, kan tan chuan he hnehna hi chhinchhiah tlak a ni. UCL match hmasa lakah chak kan harsat, kan mutan pakhat chu tunah hian kan lakiang.

"Bodo/Glimt khan an khel ṭha hle a, an inveng thiam em em bawk. An khelmualah hian team dang tam tak pawh an lo talbuai tawh ṭhin, chutiang karah chuan ka naute khan hnehna chan phu khawpin an khel chhuak zawk a ni," tiin a sawi.

Turin club hian season an hman ṭhat tawk loh avangin an coach Igor Tudor pawh an lo ban tawh a, an beisei ang tak erawh chuan an insiamṭhat phah thei rih chuang lo - Inrinni zan hian Serie A khel turin Cagliari an lenchilh zui leh nghal ang.