2035 World Cup-ah Old Trafford thar?

United Kingdom chuan 2035 Women's World Cup thlen tumin hma a la a, stadium 22 thlan chhuah zingah Manchester United stadium thar tura ruahman Old Tafford pawh a tel. Chutihrualin Euro C'ship-ah erawh Man United stadium hi telh a ni lo thung.

England, Scotland, Wales leh Northern Ireland te ṭangkawp chuan hmeichhe World Cup thlen dilna hi an thehlut a, FIFA Congress 2026-in an thil thlen hi a ngaihtuah ang. Man United-in stadium thar hi ruahmanna anga an siam a nih chuan inelna thleng tur zingah a tel dawn.

UK hian hmeichhe World Cup hi an thleng thei a nih chuan 1966-a mipa World Cup an thlen hnua World Cup an thlen lehna hmasa ber a ni dawn. Kum 1966-ah hian inelna thlengtu England an champion a, hemi hnu hian nomawi an chawi leh tawh lo.