Santosh Trophy final round thleng tur Assam

79th National Football Championship for the Santosh Trophy 2025-26 final round chu January 2026 hian Assam-ah khelh a ni dawn. Group stage hi hmun kuaah December 15-26, 2025 chhungin khelh a ni ang.

Group stage-ah hian team 35 an tel a, group pakuaah semdarh an ni. Group D-ah Mizoram, Manipur, Nagaland leh Tripura te an awm a, Agartala-ah an khel ang.

Group tina pakhatna pakua bakah nikum finalist West Bengal (champion) leh Kerala (pahnihna) bakah Assam ten final round an khel dawn. Team 12 awmna final round hi Dhakuakhana leh Dhemaji-ah khelh tur a ni.

Assam-in Santosh Trophy final round an thlen hnuhnun ber chu 2010-11 season daih tawh kha a ni a, Guwahati-a final khelhah West Bengal-in Manipur hnehin an champion.