Bayern leh Kane indawr hnai

German champion Bayern Munich chuan an striker chhuanvawr Harry Kane chu Allianz Arena-ah chelh chhunzawm zel an tum a, January-ah English striker nen hian contract thar chungchangah an indawr dawn niin German media-te chuan an tarlang.

Kane hian kum 2023 khan Spurs aṭangin Bayern hi a zawm a, June 2027 thleng contract a nei. Kane hian a contract-ah hian, kum 2026 nipuia pound maktaduai 57-a chhuah theihna dan a ziak tel.

Mahse, he release clause hi tinung tur chuan Kane hian tun thlasik transfer-ah Bayern hi a hriat lawk tir a ngai thung. Kum 32 mi striker hi Barcelona chuan lakluh tumin an hel mek nia sawi a ni a, Premier League lamah a kir mai ringtu an awm nual bawk.

Kane hian Arsenal laka 3-1 a an tlawm hma khan Bayern chhuahsan tumna a neih loh thu a sawi tawh a, German champion nen hian January-ah indawrna neiin, contract thar a ziah mai a rinawm hle.

England captain hian Bayern tan tun season-ah match 19 khel tawhin goal 24 a khung tling der tawh a, German champion tan player pawimawh bik a ni.

Hetihrual hian a kum a tam ve tawh avangin Bayern hian a contract neih lai piahlamah, kum khat emaw kum hnih aia tam emaw chu pek an tum dawn chuang lo niin an sawi - Bayern hi zanin dar 8:00-ah league match khel turin an inlan dawn a, FC St. Pauli an mikhual ang.