Roma mualah Napoli an lut dawn

Pathianni zan dar 1:15 hian Serie A inkhel pawimawh bik a awm dawn - Italian champion Napoli chuan tun season hmahruai mektu AS Roma an tlawh dawn. Stadio Olimpico-ah inkhel hmuhnawm chhawp chhuah a ni ang.

Roma hian beisei phak bakin season an hmang ṭha, league match vawi 12 an khelh tawh chinah point 27 hmuin hma an hruai mek. Antonio Conte enkawl Naples club hian point 25 an hmu thung, an inkarah point hnih chauh a awm.

Team pahnih inthlauhna a tam lo a, tun ṭum an result vang pawhin Serie A hmahruaitu an la inthlak thei. Conte chuan, "Roma hi team ṭha leh inlungrual tak an ni, an inkhel hi kan lo zir chiang nasa thei hle.

"An beidawng ngai lo a, kawng engkimah thapui an thawh ṭhin. A tir aṭanga a tawp thlengin kan beih a ngai dawn a, keini lam chuan minute 90 chhung ṭha taka khelh kan tum, tihsual neih a remchang lo ang," tiin a sawi.

Roma hian Ningani zan khan Europa League an khel a, an khingpui Midtjylland chu 2-1 in an hneh - Napoli aiin hahchawlhna hun an nei tlem zawk, chutihrualin hnehna an chan avangin inreintawkna an neih belh thei thung ang.

Roma coach Gian Piero Gasperini chuan, "Kan team-ah hian player ṭha tak tak an awm, chungte chuan an theihtawp an chhuah ṭhin. Kar laihawla match kan neih hi chuan a hautaik ṭhin tih pawh kan hria.

"Mahse, hahchawl hman kan ni lo a, ka naute hnenah pawh an rilru leh takasa ti harh thar leh nghal turin ka chah. Napoli hi engtik lai mahin hmachhawn an awlsam ngai lo, tun ṭumah pawh hian mikhual huangtau lo thleng tuin kan inbuatsaih ang," a ti.