Palace kaltluang lai a tawp

Tlawm lo a match nga chhung an kaltluan hnuah Crystal Palace chuan hneh loh an tawng. Ningani zan Conference League inkhelah Palace hian Ligue 1 club Strasbourg chu 2-1 in an hneh lo.

Stade de la Meinau-a inkhelah, mikhual Palace hian goal an khung hmasa. Jean-Philippe Mateta thawhrah sengin Tyrick Mitchell chuan English club hi hma a hruaipui a, 1-0 in chawlhlawk an hmang.

Inkhel chawhnu lamah Palace tlarhnung a phui lo - Strasbourg chuan Emanuel Emegha-a'n si phurh a sut hnuah Samir el Mourabet chuan an goal hnihna a khung; Julio Enciso-a freekick-in goal ber a per let leh chu Samir el Mourabet hian a lo khung a ni.

Premier League club hian vuak let tumin thapui an thawh. Julio Enciso-a'n ṭha zetin freekick pet mah se bar a per, a hnuah Samir el Mourabet pawhin awlsam tea khung theih tura ngaih chu a hlah ve bawk.

Oliver Glasner-a enkawl Palace hian Pathianni zan dar 5:30-ah EPL khel turin Manchester United an mikhual zui leh nghal dawn a ni.