TT inelna an zo fel

Mizoram Table Tennis Association buatsaih - UTT Mizoram Ranking Table Tennis Championship chu November 26-28 chhung khan Mizoram Table Tennis Hall, Mission Vengahn hlawhtling taka neih a ni.

Inelna ngaihhlut ber - Men's Singles ah Jeho Himnakulhpuingheta, Hopes TT Club chuan Alberto LR. Ruata, Hopes TT Club tho chu deciding game-ah 11-9 in a hneh a, match inhnehtawk takah Jehoa a chungnung zawk.

Hmeichhe lamah Hopes TT Club Caroline Malsawmkimi chuan Jenny Liansangpuii, Synod School TT Club chu 4-0 a hnehin a champion. Hopes TT Club te hian gold medal la hnem berin overall champion an ni bawk a ni.

Kum 2025 – 2026 season chhunga MTTA buatsaih, tournament ṭum thumna UTT Mizoram Ranking TT Championship-ah hian naupang lam aṭanga puitling thlenga inelna neih a ni. Under 11, 13, 15, 17 leh 19 te awmin puitlingah open leh 30+ category te khelh a ni.