January-ah Chelsea an bazar thei dawn

Court of Arbitration for Sport (CAS) chuan transfer bazar vawi hnih bazar thei lo tura hrem Chelsea hremna chu an tih hniamsak a, January-ah chuan London club hi an bazar thei dawn. 

FIFA chuan February khan Chelsea hremna hi a lo ti chhuak tawh a, mahse Premier League club hi CAS lamah zualkoin hremna tihnepsak an ni ta a ni. CAS chuan Chelsea hian dan bawhchhe ngei mah se FIFA-in academy player 69 lakluhna kawnga dan 150 vel bawhchhiaa an puhna chu a tam mah mah niin an sawi a, an sum chawi zat tur Swiss francs 600,000 (Nuai 432.48) chu 300,000 (Nuai 216.24)-ah an tih hniamsak bawk.