Italian tennis legend Pietrangeli a thi

French Open vawi hnih champion tawh leh Italian tennis legend Nicola Pietrangeli chu December 1, Thawhṭanni khan kum 92 mi niin a thi. Pietrangeli hian nikum December thla khan a malpui ruh a ti tliak a, chutihrualin a thih chhan tak erawh tarlan a ni lo.

Kum 1959 leh 1960 khan Pietrangeli hi French Open-ah a champion a, Italian player zinga International Tennis Hall of Fame (1986) tel thei awm chhun a ni. Kum 1976 khan Pietrangeli hian a captain-na hnuaiah Italy chu Davis Cup-ah a vawi khat nan an champion pui a, Davis Cup-a match khel tam ber leh chak tam ber record kawltu a ni bawk.