Season tharah Allegri

Massimiliano Allegri chuan team enkawl hna a thawk leh ngei dawn, mahse tun season chhung chuan a nih hmel loh. Italian manager hian season thar atan a inbuatsaih thu a sawi.

Kum 52 mi Allegri hi season hmasa a tawp rual khan Juventus nen an inṭhen, Italian champion a chhuahsan hnuah hna dang a la nei leh lo. Club lian hrang hrang nen sawizawm a ni fo a, inbiakna tak erawh an nei ngai lo a nih hmel.

Juve manager hlui Allegri chuan, "Juventus ka chhuahsan khan rilru ka siamfel nghal a, chu chu kum khat chhung chawlh neih phawt hi a ni. Nakkum lo thleng tur erawh ka tan kum pawimawh tak a ni dawn. "Hlawhtlinna chang tur chuan inbuatsaihna neih ṭhat a ngai a, Juve tana hlawhtlinna chan hnu lawkah nawi taka chet chu ka duh lo," a ti. Allegri hian a chawlh chhung hian Milan khawpuiah sapṭawng a zir tih tarlan a ni bawk - English club a enkawl a nih pawhin a mak lo ang.