Everton-in coach Marco Silva an ban

Premier League club Everton chuan an coach Marco Silva chu an ban ta nge nge a, Anfield-a 5-2 a Liverpool an ngam loh chu Portuguese coach-in Merseyside club a kaihhruai hnuhnung ber a ni ta. 

Silva hian May 2018 khan Everton hi a enkawl ṭan a, mahse match 60-ah kaihhruaiah vawi 24 hnehna chanpuiin vawi 24 a tlawmpui a, a tawpah a hnain a tuar. Everton hian Chinese Super League club Shanghai SIPG boss Vitor Pereira chu an beisei a, hetihlai hian coach hlui David Moyes hming a ri ring viau bawk. 

Zanin dar 6:00-ah Everton hian Chelsea an mikhual dawn a, he hunah hian club striker hlui Duncan Ferguson chuan manager lailawk hna chelhin team a kaihruai ang. Everton hian nipui transfer-ah sum hmang hnem viau mah se beisei ang result an nei thei lo a, league match 15-ah point 14 chiah an la neih avangin relegation zone-ah an awm mek.