Magpies leh Spurs inhnehtawk

Premier League inkhel hmuhnawm takah Newcastle United leh Tottenham Hotspur te 2-2 in an inhnehtawk a, point khat ve veah an lungawi a ngai.

St. James' Park-a inkhelah Magpies lamin Bruno Guimaraes leh Anthony Gordon te hmangin vawi hnih hma hruai mah se, mikhual lam tan defender Cristian Romero chuan a sut ve ve.

Team pahnihte 1-1 a an inhnehtawk laiin Newcastle hian penalty an hmu. Corner aṭanga ball kal an inchuhna lamah Rodrigo Bentancur chuan Dan Burn a tih tlukna chu VAR an hman hnuah an hrem a ni.

Spurs manager Thomas Frank chuan, "VAR khan chiang takin an tisual. Newcastle lam ngei pawh kha penalty turah an ngai lo," tiin thutlukna dik lo an tuar tih a sawi a, a tawpah erawh point an hmu ta tho.

North London club hian kar tawpah Brentford an mikhual leh dawn; Magpies-in Burnley an hmachhawn zui ve leh bawk ang.