Raptors tan Rockets an thiam lua
Houston Rockets chuan nimin zing khan Toronto Raptors chu 119-109 in an hneh a, James Harden awmna team hian match 14 an chak tlinna chiah niin Western Conference lamah pangana dinhmun an luah. Houston tan hian point 28 neitu McLemore a thawh hlawk a, triple-double neitu Russell Westbrook (19 points, 13 rebounds and 11 assists) a chet ṭhat bakah James Harden chuan point 23 a thawk chhuak ve leh bawk.
Eastern Conference palina Raptors tan Pascal Siakam (24 points) khel ṭha thawkhat mah se thlawptu a nei ṭha tawk lo a, quarter hmasa pahniha a hniam zawk an nihna chu a tawp thlengin an tho chhuak ta lo a ni.
Rockets hian Pathianni zing dar 6:30-ah Phoenix Suns an hmachhawn leh ang a, Toronto Raptors erawhin Thawhṭanni tukah Philadelphia 76ers an bi tum ve leh chauh thung ang.
NBA Results
Washington Wizards 119 - 113 Philadelphia 76ers
Denver Nuggets 129 - 92 New York Knicks
Houston Rockets 119 - 109 Toronto Raptors
Phoenix Suns 139 - 132 New Orleans Pelicans