Zanin dar 1:30-ah Man Utd vs West Ham

Premier League-ah Manchester United chuan zanin dar 1:30 hian West Ham United an mikhual dawn. Ruben Amorim-a hote tan table-a dinhmun sawhnghehna hun ṭha a ni ang.

Man United hian kartawp khan Crystal Palace lakah tho chhuakin 2-1 in an lehthal a, season thara Europe inelna khel turin beiseina an nei sang. AFCON khel tur Bryan Mbeumo leh Amad Diallo te an la khel thei dawn a, Hammers an hmachhawn hunah hmun pawimawh an chang ve ve ang.

Amorim-a tana chanchin lawmawm chu Mason Mount leh Joshua Zirkzee te an khel ṭha a, Portuguese manager tan duh thlan tur player an tam zawk. Chhawr theih turin Lisandro Martinez pawh a awm tawh a, tun hnaia khel ṭha lo Leny Yoro thlak nana hman theih tur a ni.

Hammers hi table-ah 17-naah an awm mek a, match hnuhnung berah Liverpool 2-0 in an hneh lo. Reds an hneh loh ṭumah Lucas Paquetá hnawhchhuah a ni a, Brazilian midfielder hian United a hmachhawn thei lo ang.