Serena William a lo kir dawn lo

Tennis huangah Serena Williams a lo kir leh dawn nia sawi thawm a awm a, mahse Grand Slam vawi 23 champion tawh hian inkhelh leh tumna a nei tawh lo tih a sawi chiang.

US Open 2022 an khelh zawh rual khan Serena hian tennis a chawlhsan. Tun hnai khan International Tennis Integrity Agency chuan player hrang hrang hriselna leh damdawi hman phal loh lakah an fihlim em tih endik tur an chawp chhuak a, chung zingah chuan Serena pawh a tel.

Chanchinbu mite chuan Serena hian tennis a khel leh ngei dawn niah an ngai a, a tak ram la thleng lo mah se thua ziah lan a nih miau avangin sawi lan pawh a hlawh hman hle a ni.

Kum 44 mi Serena chuan, "Ka sawi chiang ang, tennis khel turin ka kir dawn tawh lo," tiin X (Twitter) lamah a tarlang a, a chawlhsan tawh thar thawh leh a tum hran lo.

American star Serena hian kum 2015 khan a Grand Slam title hmasa ber a la, inelna lian huangah hian vawi 23 ngawt a champion. Hmeichhe champion tam ber Margaret Court-i nihrual tum viau mah se a thei ta bik lo a ni.