Abu Dhabi-ah Nadal

December 19-21 chhung hian Mubadala World Tennis Championship chu Abu Dhabi-ah khelh a ni dawn a, player langsar Rafael Nadal leh Novak Djokovic te bakah Andy Murray an inlan dawn.

Thlaler rama inelnaah hian Daniil Medvedev, Stefanos Tsitsipas, Gael Monfils leh Milos Raonic te pawh an inlan dawn avangin tennis fans tan chuan en a manhla tham khawp ang. Tennis season pangngai a zo tawh a, nakkum January aṭangin season thar an ṭan leh chauh ang. Thlasik chawlh lai hian inelna ṭhenkhat buatsaih ṭhin a ni tho a, heng bakah hian charity leh exhibition match ṭhenkhat a awm ṭhin bawk.