Kane hoin Bayern an chak

Harry Kane chuan tun season kal laiah goal 25 a khung tling ta - England captain hian Bayern Munich chu Union Berlin lakah 3-2 in a chakpui a, fiahna paltlangin German Cup quarterfinal an lut.

Nilaini zan Alten Forsterei-a inkhelah, mikhual lamin goal an nei hmasa. Union Berlin striker Ilyas Ansah chuan anmahni lamah a ti lut a, chumi hnuah Kane-a'n tauh lut zuiin Bavarians chu dinhmun ṭha takah a dah.

Bayern defender Jonathan Tah-a'n a hard ball vanga a penalty chawi chu Leopold Querfeld-a'n khungin beiseina an siam thar a, mahse defender Diogo Leite chuan anmahni lamah bawk ti lut lehin Bayern an kang sang leh hret.

Chawlhlawk laiin Bayern Munich lamin 3-1 in hma an hruai, second half tir lamah Kane-a penalty chawi chu Querfeld bawkin khungin an inkar ti zim leh mah se, hun tawp thlengin goal dang a lut zui tawh a lo a ni.

Bayern hian tun hmain nomawi an lo chawi fo tawh, mahse 2022-23 season hnua quarterfinal an luh lehna hmasa ber a ni a, kum 2020 hnua a vawi khat nan nomawi chawi leh ngei an tum dawn a ni.