Napoli, Inter leh Atalanta an tlang

Napoli chuan Italian Cup quarterfinal lut turin vanneihna an mamawh tel a, an khingpui Cagliari nen 1-1 a an inhnehtawk hnuin penalty shootout-ah 9-8 in an chak.

Inkhel dangah Inter Milan erawhin harsa lo takin Venezia chu 5-1 in an sawp a, team ṭha dang Atalanta pawhin Genoa chu 4-0 a sawp chungin last 16 an inhlangkai ve bawk a ni.

Napoli tana Lorenzo Lucca goal khung chu Vagliari lamin Sebastiano Esposito hmangin an sut a, goal dang a luh loh avangin penalty pet a ngai. Caglairi tana pettu 10 zinga pahnihin an hlah laiin Napoli tan erawh David Neres chauhin a hlah a, an vannei ta zawk.

Naples club leh Inter Milan ten Serie A an ngaihtuah tel avangin Italian Cup-ah hian an squad an siksawi nasa. Hetiang chung hian Inter chuan Serie B team la dam awmchhun Venezia hi an sawp ta tho a ni.

Team ṭha pathum - Inter Milan, Napoli leh Atalanta te hma hian Juventus chuan quarterfinal hi an lo lut tawh bawk a, nizan khan AS Roma leh Torino ten a thiam zual pariat zinga tel an inchuh bawk a, result kan hre hman lo.