Chawhnu dar 1:30-ah India vs South Africa

India leh South Africa ten vawiin tlai dar 1:30 hian ODI match thum an khelh tura hnuhnung ber an khel dawn. Visakhapatnam-a inkhel hi series la tur zawnna a nih dawn avangin a pawimawh a, a hmuhnawm bawk ang.

ODI match hnih khelh tawhna thlir chuan vawiin tlai inkhel tur hi en a châkawm takzet. Match hnih khelh tawhah team pahnihin 300 runs chuang ve ve an siam a, inkhel a nung ṭha ṭhin hle.

Ranchi-a an inkhelh ṭumin India-in 349/8 runs an siam a, Virat Kohli-a'n 135 runs siamin 17 runs-in South Africa an hneh. New Raipur-a an inkhelh ṭum pawhin India bawk an bat hmasa a, Ruturaj Gaikwad (105) leh Kohli (102) ten century siam zarah 358/5 runs tehmeuh siam mah se chak nan a tawk zo lo. Proteas-in over 29.2-ah 362/6 runs siamin wicket liin hnehna an chang.

Visakhapatnam-a mipui mit fukna tur chu Kohli a ni a, a zawna century vawi thum siam thei dinhmunah a ding. Proteas hian India lakah Test series an la tawh a, ODI-ah series an la leh a nih chuan Men in Blue tan mualphona a ni ang.