Hma kan sawn - Slot

Liverpool boss Arne Slot chuan an result chhe mah se, hma an sawn thu a sawi! Dutch coach chuan, "Nipui transfer-a kan player lakluhteah hmasawnna hmuh tur a awm a, match tinin hman an sawn zel.

"Florian Wirtz-a hmasawnna hi a langsar ber a ni hialin ka ring a, chutihrual chuan Milos Kerkez pawh sawi hmaih theih a ni lo. Alexander Isak-a'n tun hnaiah goal a khung bawk," a ti.

Slot chuan sawi zawmin, "Hmasawnna hmuh tur tam tak a awm a, mahse, tunah hian kan thlen tum chin kan la thleng lo tih erawh ka hria. 3-0 leh 4-1 a kan tlawmna inkhel kha ka en a, kha ta kan tihsual angte kha tunah chuan kan siam ṭha tawh," a ti a, Liverpool fans ngaihdan a nih leh nih loh erawh hriat a har!

Liverpool hian zanin dar 11:00-ah league match khel turin Leeds United an lenchilh dawn a, Reds fan-ten khelmualah Slot-a sawi 'hmasawnna' hi hmuh an beisei ang.