Neuer-a'n Kane a fak

Bayern Munich goalkeeper ṭha mi Manuel Neuer chuan an striker Harry Kane chu hahipin a fak a, "Tlarhma player ka khelhpui tawhah chuan a ṭha ber pawl a ni," tiin a sawi hial.

Neuer chuan, "Goal hmaah a hriam em em a, a taksa eng pawh hian goal a khung thei a ni ber mai. Goal awmna a hre thei em em a, shot hun a hria a, ball kangah a ṭha bawk," a ti a, English striker a dah sang hle.

German keeper chuan sawi zawmin, "Game a thlir thiam a, box chhung emaw, a pawn emaw pawh ni se, a buai lo. Goal a nawr ringawt lo a, tlarhnung thlenga puiin a tlan let fo.

"Striker neih tur ang hi chu a nei kim a ni ber. Harry Kane kan nei thei hi kan lawm hle a ni," a ti - kum 32 mi Kane hian tun season inelna hrang hrangah match 21 khelin goal 25 a khung tawh a, assist vawi thum a nei tel.

Kane-a khelhna Bayern hian Bundesliga table chung ber luah mekin, league match 12 khelh tawhah point 34 an nei mek a, tlawm an la nei lo - zanin dar 8:00-ah league match khel turin VfB Stuttgart an lenchilh ang.