PSG-in Rennes mikhual dawn

Ligue 1-a hmahruaitu chu treble champion Paris St-Germain ni loin, RC Lens an ni - PSG aiin point khatin an sang zawk mek a, match 14 ve ve an khel tawh bawk.

Lyon coach hlui Pierre Sage-a enkawl Lens hian zanin dar 9:30 hian Nantes chu khualmualah an lenchilh dawn a, an hmahruaina chhunzawm zel turin hnehna chan an tum ang.

Hetihlai hian, Ligue 1 roreltu PSG-in tun season-ah beisei an phak lo - league match 14 an khelh tawhah vawi hnih an tlawm der tawh a, vawi thum draw an nei!

PSG hian an league match hnuhnung berah AS Monaco chu 1-0 in an ngam lo a, coach Luis Enrique chuan, "Tun season-a kan match khelh chhiat ber a ni," tiin a sawi hial.

French champion hian zanin dar 1:15-ah Rennes an mikhual dawn a, Enrique-a leh a naute tan mualpho pumpelh turin hnehna chan a ngai.