MIZBA Mega Boxing: Zan 1-naah Valtea, Zan 2-naah R. Mala

Sailo Agencies - MIZBA Mega Boxing 2025-ah final khel tur a hriat tawh a, champion zawnna hi R. Dengṭhuama Stadium, Muapuiah zan hnih chhunga neih tur a ni. Zan khatna hi December 9, Thawhlehni zan dar 8:00 aṭanga ṭan tur a ni a, zan hnihna hi December 10, Nilaini zan dar 8:00-ah ṭan a ni leh ang.

Tun ṭum inelnaah hian category 11 a awm a, zan khatnaah category panga a awm. Inlan tur zingah Tuipui tlangval Zorammuana (Valtea) a langsar a, a khingpui tur hi Justin M. Lalthanpuia a nih avangin a hmuhnawm dawn.

Zan hnihnaah category paruk dah a ni a, inlan tur zingah Lunglei Electric Veng tlangval Malsawmtluanga (R. Mala) pawh a tel. Final hma zawngin R. Mala hian a khing tawk tur a la hmu lo! Hmeichhe lamah boxer ṭha pahnih TC Lalremruati leh Naom Chingsannuami te inhnek hmuh tur a awm dawn. Final a nih tawh avangin category tin a hmuhnawm vek ang.