Man United khingpui tur Wolves

Zanin dar 1:30 hian Manchester United-in Molineux Stadium-ah Wolverhampton an hmachhawn dawn. Ruben Amorim-a hote hi table-ah 10-na hnuai lamah awm mek mah se hnehna an chang a nih chuan a sang panga zingah tel theih dan a awm.

Man United hian an match hnuhnung berah West Ham United an mikhual a, 1-1 in an inhnehtawk. Inkhelh banah Old Trafford-a inkhel entuten an club ṭan an 'boo' hial a, Portuguese manager leh a hoten anmahni ṭantute tan lawmna an siam a ṭul dawn.

Wolves hi table mawngphahah an awm mek a, match 14 aṭangin point hnih chauh ah hmu. Rob Edwards hoten goal venhim hna an thawk dawn a, Man United tlarhma fiahna a ni thei ang. Hammers lakah Matheus Cunha, Bryan Mbeumo leh Bruno Fernandes te an hriam tawk lo a, Wolves lakah erawh hnehna chang turin goal an khung ngei a ṭul dawn a ni.