Kohli telna India an chak

India-in Virat Kohli hoin South Africa lakah hnehna an chang. Men in Blue hian Test match-ah Proteas 2-0 in hneh lo mah se ODI-ah 2-1 in an hneh let.

ODI match hmasa pahnihah vawi khat ve ve an chak a, Inrinni khan Visakhapatnam-ah match hnuhnung ber khelh a ni. South Africa-in over 47.5-ah 270 runs chauh siamin an thi vek a, match hnuhnung pahniha 300 runs chuang siam ve ve India batter tan a harsa lo.

Yashasvi Jaiswal-a'n thi loin century (116) a siam a, Rohit Sharma-a'n 75 runs siam ve bawkin Kohli-a'n thi loin 65 runs a siam ve bawk. India captain hlui Kohli hian match hmasa pahnihah century a siam ve ve a, tun ṭum inelnaah hian player of the series-a thlan a ni.