Kan tlarhma a bil - Maresca

Chelsea-in November thla tawp lamah champion hial an beisei a, December thlatirah nomawi beiseina a chau rau leh tawh hle. Leeds United laka mualpho Blues hian Inrnni khan Bournemouth an tlawh a, 0-0 in an inhnehtawk.

Vitality Stadium-ah Cherries-in Antoine Semenyo hmangin goal khungah ingai mah se offside vangin pawm a ni lo. Blues tlarhma lam aiin goalkeeper Robert Sánchez a langsar a, Enzo Maresca hote hian point hnih an hloh ni loin point khat an hlawh chhuakah a ngaih theih zawk.

Chelsea manager Maresca chuan, "Final third-ah kan ball pek a ṭha tawk lo a, kan finishing-in duhthu a sam lo bawk. Kan chak theih lo a nih pawhin tlawm loh a pawimawh a, chuvangin point khatah kan lawm mai a ṭul," tiin a sawi.