Bilbao lakah Atletico an tlawm

Barcelona laka an tlawm hnuah Inrinni zan khan Atletico Madrid an tlawm leh ta a, an mikhualna ramah Athletic Bilbao chu 1-0 in an ngam lo - Álex Berenguer chuan inkhela goal awmchhun hi a khung.

Atletico Madrid hi table-ah palina an nih chhunzawm a, mahse, Diego Simeone-a naute hian hmahruaitu Barcelona chu match 16 ve ve khelh tawhah point kua zetin an thlau ta.

Madrid khaw club hi kar laihawl inkhela Barca laka an tlawm hma khan, league match ruk zet chu a zawnin hnehna an chang a, mahse, Barca lakah an tlawm.

Catalan club laka an tlawm hnuah Athletic Bilbao an lenchilh a, an tlawm leh ta. Madrid khaw club hi league match hnih a zawnin an tlawm tihna a ni a, champion kalkawng an tan a hla zel.