Inter-in goal li an khung

Serie A lamah Inter Milan-in table chung ber an luah ve leh ta rih a, Inrinni zan khan San Siro-ah an mikhual Como chu 4-0 in an sawp.

Inter tan Lautaro Martínez, Marcus Thuram, Hakan Çalhanoglu leh Carlos Augusto ten goal khat ṭheuh an khung a, Como lamin a chhanletna tur an neih loh avangin Inter an chak chiang.

Milan khaw club hian hnehna an chan avangin table chung ber an luah zui a, nizana inkhel Napoli-in Juventus an hneh erawh chuan Antonio Conte enkawl Napoli hian table chung ber an luah leh ang.

Serie A hi zanin lamah pawh match thum a la awm dawn a, zanina match hnuhnung berah, zan dar 1:15 hian AC Milan-in Torino an lenchilh dawn.

Milan hian hnehna an chan chuan, he thu buatsaih a nih laia hmahruaitu Inter hi point khatin an tlansan ve leh bawk ang.