MIZBA Mega Boxing : Dinmawia ngamtu Buatsaiha

Sailo Agencies - MIZBA Mega Boxing 2025-ah hming langsar ber zinga mi Laldinmawia'n final a thleng zo lo a, Tuipui boxer hi semifinal-ah Ramthar North tlangval Lalrambuatsaiha'n a hneh. Inelna hi R. Dengṭhuama Stadium, Muapuiah neih a ni a, semifinal-a boxer che vel thlirin final a hmuhnawm dawn.

Hmeichhe lamah boxer tawnhriat nei ṭha Naom Chinsanmuani'n final an lut a, mipa lamah boxer ṭha Zorammuana (Valtea), Joel-a (Hnahthial), Malsawmtluanga (Lunglei Electric) leh DK Munga (Edenthar) ten hnehna an chang vek. Venghlui tlangval Lalkhawngaiha'n Lunglei tlangval Lalnunpuia a hneh a, Khawngaiha hi mipa lamah fighter of the night-ah thlan a ni.