Champions League khelh a hun leh ta

European football-a inelna ngaihven hlawh Champions League chu zaninah khelh a ni leh dawn ta - zaninah match kua a awm ang a, naktuk zanah match kua khelh tur a awm bawk.

Team 36 inel zingah a sang pariat chu round of 16 lut nghal tur an ni a, pakuana aṭanga 24-naten playoff hmangin last 16 lut tur an zawng leh ang; 9-16 te hi seeded an ni ang a, 17-24 chu unseeded an ni ang.

Match nga khelh tawha la chak vek Arsenal chu an hmabak match-ah tlawm vek pawh ni se, last 16 an luh loh pawhin playoff aṭangin chance an la nei thei. A mawng lam pathum, Villarreal, Kairat leh Ajax ten last 16 chu direct-in an lut thei tawh lo a, playoff hmangin chance an la nei thei thung.