Evans-a'n a hna a chawlhsan

10th December, 2025

Manchester United defender hlui Jonny Evans chuan club tana a hna chelh mek head of loans and pathways chu thla ruk hnu lekah chhungkuaa hun hman tam a duh avangin a chawlhsan.

Kum 37 mi Evans hian 2024-25 season zawh khan inkhelh a chawlhsan a, kumin June khan 'mek head of loans and pathways' hi a thawk ṭan a ni.

Northern Ireland defender hlui hi Man United academy chhuak niin club tan match 241 a khel a; Premier League nomawi pathum bakah Champions League, Club World Cup leh FA Cup-ah te vawi khat ṭheuh champion-in League Cup nomawi vawi hnih a chawi bawk.