Magpies-in Leverkusen lenchilh dawn

Newcastle United chuan zanin dar 1:30 hian Champions League match khel turin Bayer Leverkusen an lenchilh dawn - tun hnaiah result an neih ṭhat avangin an phur vanglai tak a ni.

Magpies hi an league match hmasa 11-ah kha chuan tluk leh din an fawm a ni ber! Vawi thum chiah chak neiin, vawi nga an tlawm a, vawi thum draw an nei.

Mahse, tun hnaiah Magpies hi insiamremin, an league match hnuhnung paliah tlawm an nei lo - vawi thum an chak a, vawi khat draw an nei. Nipui laia an striker lei thar, hliam vanga chawl zui Yoane Wissa chu Burnley lakah a lo kir bawk a, an boruak a ṭha hle.

UCL bikah hian match nga an khelh tawhah vawi thum chakin, vawi hnih an tlawm a, direct-a last 16 luh an tum chuan Leverkusen hneh hi an tan a pawimawh dawn - hmabakah Paris Saint-Germain an la awm tlat!

Kasper Hjulmand hnuaiah Leverkusen hian bul an ṭan ṭha viau a, mahse, tun hnaia an league match hnuhnung pahnihah an tlawm ve ve. Hetihrual hian UCL lama match nga an khelh tawha vawi hnih chak an neih hi an match hnuhnung pahnihah a ni thung.

German club-in an hneh hnuhnung ber hi Manchester City an ni a, Etihad Stadium-ah 2-0 in an tlawm thei - mahni khelmualah Magpies an mikhual dawn a, chak an tum ngam ang.