Champion lai hmachhawn tur Macclesfield

English football inelna huangah Premier League a sang ber, chumi hnuaiah chuan a indawtin league hrang hrang a awm - EPL aṭanga hnuai lam parukna non-league club Macclesfield chuan FA Cup third round an thleng a, champion lai Crystal Palace nen an inkhel dawn.

Non-league club dang Weston-super-Mare pawhin second round an inhlangkai a, an club hi kum 138 laia upa ni tawh mah se FA Cup third round an khelh vawi khatna tur niin, League Two club Grimsby nen an intum ang.

Premier League club ṭhenkhat an inhmachhawn nghal dawn - Tottenham Hotspur chuan Aston Villa an mikhual dawn a, an inkhel tawk ang. Sunderland chu Everton khelmualah zinin, Newcastle United chuan St James' Park-ah Bournemouth an lo mikhual dawn; Manchester United leh Brighton an intum dawn bawk a ni.

FA Cup third round hi ruahman dan chuan Janaury 10, Inrinni zanah khelh tura ruahman a ni.