Schlotterbeck-a'n Barca aiin Real a duh

Borussia Dortmund defender Nico Schlotterbeck chuan nipui transfer-ah German club hi a chhuahsan dawn a nih chuan, Real Madrid emaw Bayern Munich emaw zawm a duh niin khawthlang media-te chuan an tarlang.

Schlotterbeck hi Barcelona nen pawh sawi zawm a ni a, Catalan club coach Hansi Flick hi amah hrechiangtu a ni- Germany national team a enkawl lai khan Dortmund centre back hi ram tana a match hmasa ber a khelhtir.

Hetihrual hian Schlotterbeck-a'n Bayern emaw Real emaw zawm a duh zawk chu thuhran ni se, Barca hian na takin an rim lo hrim hrim nia sawi a ni a, club thuneitu ṭhenkhatte chu German defender-ah an inlungrual thei chiah lo niin an sawi.

Hetihlai hian Real centre back David Alaba chu nipuiah a contract a zo dawn a, Antonio Rudiger hma hun a chiang lo bawk. Bayern lam hian an defender Dayot Upamecano chu chelh tumin contract thar an zawrh mek a, an hmin theih loh chuan Schlotterbeck lam hi hawi an tum.

Hetiang boruak karah hian Schlotterbeck hian Real emaw Bayern emawin an dawr hunah rang taka lo chet a tum niin a lang - a club khelh mekna Dortmund hian zanin dar 1:30-ah Champions League match an khel dawn a, Bodo/Glimt an mikhual ang.