Miami Invitational-ah Carlos Alcaraz

A vawi khat nan Miami Invitational neih a ni a, mipa tennis star Carlos Alcaraz pawh a inlanin a match hmasa berah Joao Fonseca chu 7-5, 2-6, 10-8 in a hneh.

Tennis season an zo tawh a, season thar atan an inbuatsaih mek. Australian Open khelh hmain thla hnih a awm tling tawh lo, season tir lama cheṭha tur chuan tun aṭanga inbuatsaih ngawrh a ngai hle tihna a ni.

Spanish star Alcaraz chuan, "Ka beisei aia tamin a hmunah inkhel an en a, lawm kan hlawhna hmun hi kan tan chuan hmun nuam a ni mai ṭhin," tiin a sawi a, a taksa a fit ṭhat avangin inkhelh nuam a tih thu a sawi bawk.

Kumin chhung khan Alcaraz hian match 71 zetah hnehna changin nomawi pariat lai a chawi, heng zingah hian Grand Slam title pahnih telin major title a lak zawng zawng chu paruk a tling tawh bawk a ni.