Red Bull chhuahsan tur Marko?

Formula 1 legand Helmut Marko chuan Red Bull a chhuahsan niin Sky Sports chuan an ziak a, team lamin thuchhuah la siam chiah lo mah se khawthlang chanchinbu rintlak dangte pawhin an ziak lang tawh a ni.

Kum 2005 aṭang khan Marko hian Red Bull hi a chenchilh tawh, hlawhtlinna leh ropuina tam tak pawh an lo chang ho tawh ṭhin. Tunah chuan kum 82 mi a ni tawh a, tun season intlansiak hnuhnung ber an neih hma khan chawlh a duh thu a lo sawi tawh a ni.

Marko hian theihna sang tak a nei a, team chhung a hrechiang. An driver ṭha Max Verstappen leh team lamin buaina an neih lai pawha chingfeltu leh chelhtu a ni a, ani a chhuah chuan Dutch tlangval Verstappen hi a cham chhunzawm zel ang em, tih pawh ngaihtuah tham a ni ang.

Kum 28 mi Verstappen hian Red Bull tan 2028 thleng daih contract a nei mek a, hman zawh ngei a tum thu pawh a lo sawi tawh ṭhin, a zawna vawi nga champion nih a tumna a hlawhtlin loh hnuah thu leh hla thar a la nei rih lo a ni.