Penalty a nem hret em?

Liverpool-in penalty hmangin hnehna an chang a, an penalty hmuh dan erawh a nem hret tih loh rual a ni lo - Bastoni-a'n Wirtz a pawt ngei a, mahse, German midfielder hi a tlu uar hret.

Reds full back Andy Robertson chuan, "Khelmual hmun danga thleng ni se, a nem hret tih ka pawm ang," a ti a, penalty box a nih miau avangin fimkhur a ngaih thu a sawi.

Inter midfielder Henrikh Mkhitaryan erawh a lawm thei lo a, Manchester United player hlui chuan, "Engtin nge khatiang kha penalty a nih theih? Mahse, hei hi football chu a ni miau si," a ti.

Mkhitaryan chuan sawi zawmin, "Kan lawm lo hle - khatiang kha penalty a nih chuan, box chhunga intawhfuh zawng zawngah penalty pek vek a ngai dawn asin," a ti a, a lawm lo hle.

Inter Milan midfielder hlui Clarence Seedorf chuan, "Defender khan a tih loh tawp tur a ti a, chutihrual chuan referee pawhin penalty a pekna kha a nem hretin ka hria," a ti a, referee thutlukna a pawmpui bik lo.