PVS hnehtu Atletico Madrid

Atletico Madrid chuan PSV lakah goal chhuah hmasa mah se 3-2 in an hneh let - Spanish club hian Champions League match ruk aṭanga point 12 hmuin pasarihna dinhmun an luah a, playoff khel turin an dinhmun an sawhnghet.

Dutch club tana Guus Til-a goal khung chu Julian Alvarez, David Hancko leh Alexander Sorloth ten an chhanglet a, hun tawp dawna Ricardo Pepi-a goal khungin awmzia a nei tawh lo.

Atletico Madrid manager Diego Simeone chuan, "Hun rei tak chhung chu kan khelh danah hian lungawi kim a harsa ka ti tawh, tunah erawh ka lungawi ta e. PSV khan 2-0 a hmahruai theihna remchang an neih kan chhutchahsak a, chumi hnuah na takin kan bei let.

"Champions League a nih bakah khualmualah kan inkhel a ni a, hetiangah chuan inkhel thununtu nih a harsa, tun ṭumah erawh kha chuan minute 90 chhung inkhel kan thunun tiin sawi ila a sual lo ang," tiin a naute khelh danah a lungawi hle.

La Liga lama palina ni lai Atletico Madrid hian Inrinni zanah Valencia nen league match an khel zui leh nghal dawn a ni.