Alonso kan thlawp tlat - Bellingham

Real Madrid-in an khelmualah Manchester City an ngam lo a, Pep Guardiola naute an ngam loh hma hian league-ah Celta Vigo an ngam lo tawh bawk - coach Xabi Alonso dinhmun a derthawng ta hle nia sawi a ni.

Mahse, tun hnaia Alonso nena inhmuthiam lo nia sawi, English midfielder Jude Bellingham chuan an coach hi an thlawp tlat thu a sawi a, an inkarah buaina a awm loh thu a sawi.

Bellingham chuan, "A mimal takin coach nen hian kan inkar boruak a ṭha em em a, player tam zawk nen pawh chutiang tho chu a ni," a ti a, player dang pawhin Alonso an ngainat thu a sawi - an coach a chhan hle.

England international chuan sawi zawmin, "Tun hnaiah beisei ang result kan nei thei lo. Hei hi boruak ṭha lo awm vang a ni hran lo a, tumah hi kan inthlahdah lo.

"Season a tawp ta mai emaw tiin tumah kan chi ai lo," a ti a, an result ṭha tawk lo mah se, match tam tak khelh tur an la neih thu a sawi.

Spanish chanchinbu lar Marca-a football ziaktu Juan Castro chuan, "Real president Perez-a'n hetiang manager hi a duh ka ring lo a, tlawm hi a hrethiam lo a ni tawp mai.

"Chutihrual chuan Xabi hi ban ta se, tuin nge thlak chuang ang? Ban mai chu a awlsam ang a, mahse, amah thlak zo tur December-a zawn hmuh chu har tak tur a ni," a ti a, Alonso dinhmun derthawng angin lang mah se, thlaktu tur an van dawn avangin ban mai a nih a rin loh thu a sawi.