Kar li chhung chawl tur Delap

Chelsea chuan an striker Liam Delap chu hliam vanga kar li tal a chawlh a ngaih tur thu an sawi a, kum 22 mi striker hi Blues a pan hnuah a dam hman meuh lo a ni ber!

Delap hi Bournemouth nena 0-0 a an inhnehtawk ṭum khan hliam vangin lakchhuah a ngai a, a darah hliam neiin, zai erawh a ngai dawn lo nia sawi a ni.

English striker Delap hian June thla khan Ipswich Town aṭangin Chelsea hi pound maktaduai 30-in a zawm a, mahse, August 30 khan a malpuiah hliam neiin, match 10 zet chu hliam vangin a khel lo tawh.

Tun hnaiah hliam hi dam chhoin, Chelsea squad-ah a lo kir ve leh a, mahse, hliam vang bawkin a chawl leh dawn ta - Blues tan inelna hrang hrangah match 11 khel tawhin, goal khat chiah a la khung.

"Goal khung turin Chelsea ka zawm," titu hian tun dinhmunah chuan Blues tan a la khung tam rih lo khawp mai!