Kan chau tawngkhawng - Conte

Benfica lakah Napoli 2-0 in an chak lo a, an tlawm hnuah Italian manager Antonio Conte chu match an khelh tam em avangin tun hnaiah a naute chu an chau tawngkhawng niin a sawi.

Portuguese club Benfica hian Richard Rios leh Leandro Barreiro te goal hmangin an mikhual hi an lo hneh a, manager ṭha José Mourinho enkawlna hnuaiah hmalam an pan zel.

Serie A champion Napoli manager Conte chuan, "Inkhel hautak tak a ni, khelmual chhunga ka naute chet danah khan an chau tih a lang. Ni thum dan lek lekah match khelh tur kan nei zel a, rilru leh taksa a chau a ni.

"Pathianni khan khualmualah kan zin chhuak a, chumi hnuah Benfica khel turin kan zin chhuak leh nghal bawk. Benfica erawhin Zirtawpni zan khan match an lo khel tawh thung, keini aiin ni hnihin hahchawlhna hun an ngah," a ti.

Benfica lam erawhin ngaihdan dang an nei, coach Jose Mourinho chuan, "Chawlhkar li chhung chu ṭha takin kan khel tawh, tun ṭumah pawh khan goal nawr leh a venhim chungchangah sawisel tur ka nei lem lo.

"Team ṭha tak Napoli lakah kan khel ṭha hle, tlarhnunga player pathum remkhawm thiam hmachhawn hi chu a awlsam ngai lo," a ti. Portuguese coach hian Conte-a thusawi chu fiamthua chhangin, chak loh chhuanlam tur zawngah a puh let bawk a ni.